لاصرت بايعني أشوفك على خير
مع الســلامه دام مابه ســـلامه
قلت أنتهينـا قلتلك خيــر يـاطيــر
ماني بأول شخص يخسر غرامه
محذرك مــن قبلها ألـف تحذيــر
لا عفتنــي بيعيف قلبـي هيــامه
مانيب ميت لا ولا أحتاج تبرير
صح الله لسانك و وفر كلامــه
بسمعك حبكه و فكره و تصوير
و أفهم عدل يا مدعي بالفهامه
وجه الشعرأبيض ويحتاج تغيير
ودي تزيـن هالقصـيده علامــه
ماضيك الأسود بذكره دون تقصير
كذا يكــون بخد هالشــعر شـــامه
يصدق معي تعبير و يخون تعبير
ياضيعه الشاعر بوقت إنسجامه
يمكن خطأ أدونك بالشعر ميـــر
لو ماأحترمتك للغرام أحترامه
ماكان حبك غير بس طعنتك غير
علمتني معنــى الندم والندامـــه
ماجــاك مني أي زلــه وتقصـير
كل ماخطيت أعاتبك بأبتســامه
حسبي على الذكرى لهبت أعاصير
ماعــاد تنفع شرهتي والملامـــه
البال ظامي وقتها والحــزن بيـــر
خسرتك وهمي كسبت أهتمــامـه
والليل فازع لك كذا جاني مغيــر
ظلمتنـي وأكثــر ظلمني ظــلامه
لأقبل علي أوحيت صوت المسايير
و فزيت كــل ضيفن أقوم بمقــامه
وليا عـــزم هالليـل ضيقه وتفكير
قلــي بــربك كيف بقــدر أنــامــه
ما فيه داعــي للعتب والمعــاذيــر
الغدر خال الجرح وأطيب أعمامه
أما يجيب الله مطــر تالــي وخير
ولا السلامه ماش مامن سلامه
بك فى منتدى عمر البعبولى
الثلاثاء سبتمبر 16, 2008 4:08 am
