باين في عينك نيتك نية فراق

قصيده للشاعر مرشد خالد البذال
حفيد الشاعر الكبير مرشد البذال

يقول فيها :

باين في عينك نيتك نية فراق
ناوي تروح وتشعل الشوق فيني

من غير ماتحكي احس الفضا ضاق
واحس كل الكون ضايق ف عيني

يا محرم العشاق للحب عشاق
ابيك عن جور الزمن تحتويني

ياشمس عمري في عيوني لك شراق
ولك في حنايا الروح شوقٍ دفيني

انت السحاب اللي نشا فيه برَاق
يمطر على روحي ويزهر سنيني

مشتاق اضمك حيل مشتاق مشتاق
خايف يموت الشوق بينك وبيني

ماحب انا الفرقى ولا ناقص فراق
ان رحت بس ارجوك فكر تجيني

وسلامتكم