قصيدة خليل الشبرمي في الملك عبدالله بن عبدالعزيز

سلام من الرحمن موصول بالرحمه


عمتم صباحا .. .. .. قبل أن يـأتي الصباح

بعد ماكثر الحديث عن جنسية الرائع خليل الشبرمي رغم قناعتي أن الابداع لاجنسية له

أقول لكم أن الشاعر سعودي الدم قطري الجنسيه
وهذه القصيده قيلت بين يدي الملك عبدالله عندما كان ولي للعهد عندما أتت فروع قبيلة تميم تجدد الولاء بعد الأعمال الأرهابيه حالها حال الكثير من القبائل التي قامت بذلك تجديدا لولائها للقاده


وكان شاعر بني تميم ذلك اليوم السعودي حينها خليل الشبرمي

أترككم مع هذه الفريده واتمنى هذا الجهد يرقى لذائقتكم







بــاســم رب اللعـالـمـيـن .. .. .. الله اللـي عالمـن بالخافـيـات
يامعين اللنـاس عونـك يامعيـن .. .. .. والهدى للحـق وأسبـاب النجـات
والسلامـه يـامـلاذ الخايفـيـن .. .. .. يوم حشر اللناس حافين وعـرات
مؤمنيـن بالكتـاب وموقنيـيـن .. .. .. بالقدر والبعث من بعـد الممـات
وبعد هـذا عـد ماجهـا غشييـن .. .. .. ومارهشن سود السحاب المرزمات
وعد مابالبيـت طافـوا محرميـن .. .. .. وغنت الورقا بـرووس النايفـات
ياسـلام الله سـلام المخلصـيـن .. .. .. للـولات وللـبـلاد وللـدعـات
والتحـايـا ثنـهـا للطيـبـيـن .. .. .. الرجـال أهـل العلـوم الطيبـات
جيت من حايل وانـا كلـي حنيـن .. .. .. للرياض العاصمـه رمـز الثبـات
جيت من حايـل وربعـي واقفيـن .. .. .. وحملوني لك سلام ولـك وصـات
قل لأبو متعـب ترانـا حاضريـن .. .. .. رهن إشارة من زبـون الوانيـات
ياولـي العهـد يـاذرب الليميـن .. .. .. ياعضيد الفهـد وقـت الملزمـات
يازبـنـا ياعشـيـر الغانمـيـن .. .. .. ياذرانـا عـن سمـوم الذاريـات
جيت مع ربعـي تميـم مجدديـن .. .. .. للولاء وقـت الرخـاء والنايبـات
يشهـد الله للسعـود مبايعـيـن .. .. .. في رضا المعبـود رب الكائنـات
والوفاء فينـا لكـم دب السنيـن .. .. .. ثابـت مثـل الجبـال الراسيـات
وفي ولاءنـا وانتمانـا صادقيـن .. .. .. في السنين الماضيـه والمقبـلات
وكلـنـا ياسـيـدي متكاتفـيـن .. .. .. لنـا ضـد الخـوارج والبغـات
والله انــا مانهـيـد ومانلـيـن .. .. .. لين راع الكيـد يربـط بالصفـات
قالها المقـدام عـوق المعتديـن .. .. .. نايف الضرغـام لطـام الطغـات
مانحـاور مانحـاور مجرمـيـن .. .. .. ومانفـاوض معتديـن ولاجنـات
يروعـون الآمنييـن الغافلـيـن .. .. .. وبالظـلام يفجـرون مجمـعـات
يزهقـون أرواح نـاس مسلميـن .. .. .. ويقتلون صغـار سـن وسيـدات
ياوطنـا كـل ابونـا صامـديـن .. .. .. ياوطنـا ماعلـيـك مسـاومـات
ويالرياض العاصمـه لاتجزعيـن .. .. .. دونك عيون على آمنك ساهـرات
ماعلينـا مـن كـلام المرجفيـن .. .. .. نشرذمه شر وشياطيـن وشـات
وماعلينا مـن كـلام الخاينييـن .. .. .. مهاتـرات فـي قنـاة مهاتـرات
ماهم أهل إصـلاح ذولا مفسديـن .. .. .. زمـرة تنبـح وتسعـى للشتـات
ساقطيـن وفاشليـن وتافهـيـن .. .. .. منكـرات فـي بـلاد المنـكـرات
ولايظـل ويتبـع أبليـس اللعيـن .. .. .. غير شخص فيه ست من الصفات
قل عرف وقل علـم وقـل ديـن .. .. .. وقل خوف وضعف نفس وخبث ذات
والجهل يعمي عيـون المبصريـن .. .. .. والفتـن تـررد لأمـور مهلكـات
أنتبه يابن الوطـن خلـك فطيـن .. .. .. أحذر أهل الزيف وأهل الشايعـات
والله انـا فـي نعيـم عايشـيـن .. .. ..في رغد وأمن ورخا وأحسن حيات
تحت ظل الشرع والسيف السنييـن .. .. .. من حدود طريف لجبـال السـرات
عايشيـن معززيـن مكرمـيـن .. .. .. فـي وطنـا والحقايـق بيـنـات
نحـمـدالله لـلألـه موحـديـن .. .. .. والحـدود تقـام وتقـام الصـلات
والمساجد من يسار ومـن يميـن .. .. .. والمياة من البحـر مثـل الفـرات
والمـدارس للبـنـات وللبنـيـن .. .. .. والوظايـف للبنـيـن وللبـنـات
نحمـد الله مسلميـن مسالميـن .. .. .. وفي وطنا مـن جميـع الجاليـات
مطمئنيـن بوطـنـا وآمنيـيـن .. .. .. من خلقنـا مانعـرف مظاهـرات
ماعلينـا مـن رعـاع ضايعيـن .. .. .. بالشـوارع يرفعـون اللافـتـات
ونطلب الله كل وقـت وكـل حيـن .. .. .. ينصـر الإسـلام ويعـز الـولات
جيت من حايـل وبيحـت الكنييـن .. .. .. للزعيم الهيلعـي وادهـا الدهـات
قلتهـا والله يمـيـن الله يمـيـن .. .. .. كلـمـة لله مــادور هـبــات
وختمها صلوا على طـه الأميـن .. .. .. ما أبهل الوسمي وماخضر نبـات