:حبيبي جيت في وقت قضا عمري وأنا أتمناك
تعال إن ماسعاك الكون فعيوني أنا أضمك
احبك كل اخباري عسى عمري يروح فداك
عسى بعض الشعور اللي جرابي يجري بدمك
****************************
أبرفع قضية على الدنيا ومافيها
وأول قضية ابرفعها على حالي
*********************
والله وفيك الخير غبت وتماديت
أرخصت قلب لأجلك العمر باعه
كنك على همي وجرحي توصيت
إهانتك لنفس ماهي شجاعة
*****************************
اليوم بذّات تكفى لا تجافيني
الشوق ماله بقلبي اول وتالي
محتاجك اكثر واكثر من نظر عيني
الله يعلم وش اللي صاير بحالي
************************
ملف عمري تاه بين الملفات
يابنت انا وقتي نساني
ضيم وقهر يابنت في كل الاوقات
وان ذقت راحة ياحياتي ثواني
***********************
بعد عشرة عمر راحت.. ليالي طوال من فرقاك
سألت وجيت تشكيني وتطويني مع همك
هداك الحظ والا الشوق والا خانتك دنياك
غريبه أنت هذا انت او واحد مثل رسمك
****************************
ايه اتركيني وقولي اللي تقولين
ابحتفظ في عزتي والكرامة
ولا بي وعود ولا عهود وبراهين
مابي من الايام غير السلامه
****************************
ادري تحبينه وادري تعانين
وادري عليك اليوم طوّل خصامه
بـ اسمه تناديني معي دوم تنسين
وغصب علي أجاملك بابتسامة
***************************
ياجروح دوك الحنايا بوسطها حطي
وارتاح ياوقت دام همومنا عيدك
إليا متى نكتم الآهات ونغطي
ياعمر والله ناقص لو نبي نزيدك
***************************
وين انت يالحزن ماهي عادتك تبطي
حتى انت يالحزن تبخل في مواعيدك"
خابرك تاخذ من أيامي ولا تعطي
سواد جفني رسمته من تساهيدك
انا تدرين ربي ماخلقني اتبع المقفين
وربي لو رجعت بكلمتي لا قطع شرايني
خطاي اني وفيت وماعرفت ألعب على الحبلين
خطاي اني اذا حبيت احب بكل مافيني
على كثر العيون اللي اضحكت لي مابكت لي عين
بكيت ولا لقيت لدمعتي عين تواسيني
غرقت ولا لقيت لصرختي منهو يمد ايدين
تصوبني سهوم الموت مره والف تخطيني
كبيره حيل في حقي.. طفله وإلعبت فيني
ولكن وش نقص او زاد غلطه في ملفاتي
خسرت وهذي الدنيا ويعني لو تخونيني
اجل بعدين كيف اربح لو ما احسب خساراتي
يادروب المسافه وش ورا ها التعب
وش ورا هاالجروح الموجعات الأليمه
من خلقنا عرفنا ان السبب له سبب
وما خبرنا الليالي في عاطاها كريمه
شاخبار قلبك عساه اشتاق فـ غيابي
عساه يذكر ليالي الحب وسنينه
ياخوف قلبي يجي لك يوم وتصدمني
وتمشي على اجروح قلبي وتنكر احساسي
اخاف لا يوم تلقاني وتسألني
شفتك أنا وين ذكرني ترى ناسي
ليه اموت وأحرق بروحي فتيل
وانت اخر من يحس بها الوجود
حي بين الناس لكني قتيل
عايش برجوى الأماني والوعود
دخيلك لا تقول الآهـ لا تبكي وتناديني
أنا عونك بهالدنيا محد يكسر مجاديفك
عليك الله وأمان الله تكفى لا تجافيني
أنا ماعدت اميز من طعني الوقت او سيفك
تحملني الخطا وتروح زعلان
ولا ادري وين دارك ووين دنياك
اذا لك يوم او يومين تعبان
انا طول العمر تعبان وياك
كيف أصير الجرح واصير الطبيب
لو سكت الجرح في عيوني نطق
هي كلمتين اصغار ماهي عريضة
اقولها مــا أبـــيـك بكل الاحوال
سويتها قصة طويلة عريضة
وخليتني الغلطان في كل الأحوال
مدري جهل والا انت نفسك مريضة
والا انت طبعك تحب القيل والقال
اموت بأعلى الجبل ولا اموت بالوادي
ولاهين نفسي ولا تعب فيك تفكيري
ياهوه... وين انت رايح تايه وغادي
منت بعشيري ولا اغلى مساييري
لو كان عمري عليك وملحي وزادي
بلاش من هالحياة ايعشها غيري
ماعاد تفرق معي واللي تبي سوه
لا صرت عاري وفا ما يسترك ثوبك
أنا ماني مثل غيري تسلا فيه بأوقاتك
ترده كل مامليت ويرجع يتبعك ثاني
اخذ بالك من أيامك الاياكثر غلطاتك
تركد.. واغتنم وقتك ترى باقي العمر فاني
بك فى منتدى عمر البعبولى
الخميس أكتوبر 02, 2008 11:26 am